Policia e Tiranës aksion kundër lojrave të fatit të paliçensuara

Policia e Tiranës vijon kontrollet për evidentimin dhe goditjen e paligjshmërisë.

Gjatë këtij aksioni, ditë e djeshme janë evidentuar nga policia 2 raste të aktivitetit të kundërligjshëm të lojërave të fatit.

Në rrugën “Aleksandri i Madh”, në ambientet e brendshme të një lokali, në përdorim të 33-vjeçarit me iniciale E.D, gjatë kontrollit të ushtruar janë konstatuar 10 persona duke luajtur poker në një tavolinë të përshtatur për lojëra fati.

Për këtë arsye, policia ka proceduar penalisht pronarin e lokalit, ndërsa ka sekuestruar një tavolinë pokeri.

Po ashtu, në rrugën “Mikel Maruli”, në ambientet e lokalit për loto sportive, në përdorim të 29-vjeçarit me iniciale S.R, gjatë kontrollit të ushtruar është konstatuar aktivitet i kundërligjshëm i lojërave të fatit.

Policia ka nisur procedim penal për 29-vjeçarin, si dhe ka sekuestruar në cilësinë e provës materiale 3 tavolina pokeri, 80 fisha pokeri, 5 pako letra bixhozi , 1 DVR të kamerave të lokalit si dhe një sasi lekësh. /tesheshi.com/