Një patrullë e policisë është sulmuar mbrëmë në veri të Kosovës. Këtë e ka konfirmuar edhe policia, por se nuk ka dhënë informacione tjera.
Portali në gjuhën serbe KoSSEV, ka njoftuar se incidenti ka ndodhur mbrëmë rreth orës 22:00 në fshatin Banjë, në komunën e Zubin Potokut, ku kundër policisë kufitare të Kosovës është shtënë me disa plumba.
Automjeti i patrullës policore është dëmtuar por sipas informatave të para nuk ka të plagosur.
Kujtojmë se edhe në vitin 2014, në po të njëjtin fshat është shtënë kundër policisë së Kosovës, ku 3 policë serb janë plagosur. /tesheshi.com/
