Policia maqedonase ka arrestuar vrasësin e Argëtim Asanit, i ekzekutuar sot pasdite në qendër të Strugës.
Sipas të dhënava praprake që bëhen të ditura nga media vendase, vrasësi i Asanit është vëllai i ish-shoferit të kreut të komunës së Strugës, Zijadin Sela, i cili u gjend i vrarë disa muaj më parë.
Policia ende nuk e ka bërë zyrtare kapjen e autorit, por mësohet se ka qenë babai i tij që ka bërë denoncimin në polici, duke u paraqitur në stacionin e Strugës.
Viktima Argëtim Asani, ishte zëvëndësdrejtor i DAP. Siç mësohet, një nga pistat e vrasjes së tij është ajo e larjes së hesapeve dhe borxheve të konsiderueshme.
Autori i vrasjes së Argëtim Asanit është me iniciale A.K. nga Struga, funksionar nga radhët e Demokracisë së Re.
Ndërkaq BDI përgënjeshtroi lajmin se Asani është funksionar i tyre. BDI shprehu keqardhje për rastin.
/tesheshi.com/
