Policia ka vënë në dispozicion 30 mijë euro për atë që do të furnizojë me informacion mbi autorin e vrasjes së dy turistëve çekë një natë më parë.
Ndërkaq, janë zbardhur të tjera detaje nga hetimet për vrasjen e dy turistëve çekë, në afërsi të fshatit Prekal në zonën e Dukagjinit në Shkodër.
Nga hetimet deritanishme mësohet se dy turistët janë vrarë me plumba pas koke, çfarë përforcon dyshimet se një nga autorët kryesorë të kësaj ngjarje, ishte përsoni që po udhëtonte, si shoqërues apo si pasagjer s bashku me turistët.
Dyshimet e policisë janë se në këtë krim të shëmtuar kanë marrë pjesë dhe përsona të tjerë që u kanë ngritur pritë turisteve.
Aktualisht aksionet e policis dhe forcave të ndërhyrjes së shpejtë vazhdojnë në gjithë zonën e thellë malorë duke bërë krehjen e gjitha vendeve të dyshimta. Deri këto momente janë shoqëruar në Komisariatine Policisë së Shkodrës rreth 35 përsona, që dyshohet se kanë lidhje apo dijeni për ngjarjen.
Vetëm dy ditë para se të vriteshin, çifti nga Çekia kishte publikuar në faqen e tyre në Facebook një album të titulluar “Përshendetje nga Ballkani”, me fotot më të bukura nga udhtimi i tyre turistik në malësitë e Shkodrës dhe plazhin e Rrjollit. Më pas ata kanë udhëtuar drejt zonës së Vermoshit dhe pastaj në Dukagjin, që për fat të keq ishte dhe udhëtimi i tyre i fundit.
