Rihapet me të madhe dosja e “Lagjes së Trimave”. Pjesëtarët e forcave speciale të Shkupit kanë kërkuar hetim nga Prokurorja Speciale për të nxjerrë të tërtetën e operacionit që prodhoi viktima nga të dy palët.
Përmes një letre të publikuar në mediat maqedonase, polici maqedonas, emri i të cilit nuk bëhet i ditur, ka shprehur gatishmërinë për të bashkëpunuar me prokuroren, me qëllim që të zbardhet e vërteta për ngjarjet e Kumanovës.
Ai fajësoi pushtetin në Shkup se ka sakrifikuar pjesëtarë të njësive speciale në Lagjen e Trimave. Më tej në letrën e tij, oficeri shprehet i bindur se rasti ishte një skenar i përgatitur dhe kërkon që të zbulohen fajtorët e vërtetë për vrasjen e kolegëve të tij.
Nga ana tjetër, e përjavshmja në gjuhën maqedonase “Fokus”, theksonte se pjesëtarët e grupit të armatosur të arrestuar në aksionin e Kumanovës po përgatiten që në gjykatë të tregojnë të vërtetën për ngjarjet që i paraprinë luftimeve në Lagjen e Trimave, ku humbën jetën 22 persona, 8 policë dhe 10 anëtarë të grupit.
/tesheshi.com/
