PD e ka justifikuar me shfaqje bullizmi nga ana e kryeministrit Rama, aktin e njeriut të saj, Edi Paloka, i cili me anë të një shiringe qëlloi me bojë në drejtim të shefit të qeverisë. Pra, në gjykimin e partisë më të madhe të opozitës, vëniA në dukje një defekti gojor të Palokës, siç është “thuthu”-ja e tij e theksuar në artikulim – në gjuhën popullore quhet “thuthuq” – ka detyruar këtë të fundit që të reagojë më pas ndaj Ramës.
PD nuk komenton më tej llojin e reagimit.
Ndërkohë, ish-kryeministri Berisha gjithashtu – siç është e pritshme – e përligji aktin e Palokës, jo me bullizmin e pretenduar të Ramës ndaj tij, por me fyerjen që sipas tij shefi i qeverisë i bëri kreut të opozitës duke e quajtur “fëmijë”. Dhe këtu është rasti që çështja të trajtohet nga gjuhëtarët, pasi është e diskutueshme nëse cilësori “fëmijë” ka valencë të lartë konotative në negativitet, aq sa për t’u përfshirë te fyerjet. Sepse, siç dihet, në komunikimin e zakonshëm njerëzor, cilësori “fëmijë” ka një konotacion kritik ndaj tjetrit, tërheqës vëmendjeje, por jo aq dhe fyes. “Mos u bëj si fëmijë”, ose “bëhemi nganjëherë si fëmijë” – janë pra janë shprehje të zakonshme në komunikimin ndërnjerëzor, gjersa dikush ndodh zakonisht dhe të vetiketohet i tillë në emër të një vetëkritike.
Vet fjala “fëmijë” është e gjitha me konotacion pozitiv; nja fjalë përkëdhelëse, plot sentiment, e preferueshme për çdo rast, shprehje e të bukurës në botën njerëzore. Pra, edhe varësisht përdorimit, ka një përqindje shumë minimale për t’u përfshirje të fyerjet qashtërta e klasike.
Nga ana tjetër, duke iu referuar bullizmit të pretenduar nga PD, kemi të bëjmë plotësisht me një shfaqje bullizmi nga ana e kryeministrit në gjestet e fjalët e tij ndaj Palokës, lidhur me “thuthu”-në e tij karakteristike. Madje mund të thuhet se është ndër shfaqjet më pa etikë të kreut të mazhorancës, paçka profilit problematik të njeriut të cilit ia drejton.
Por nga ana tjetër Rama është një magazinë e gjallë dhe e stërmadhe e etiketimeve ndaj tij. “I çmendur”, “psikopat”, “skizofren”, “i droguar” e sa e sa të tjera të ngjashme, ku më të buta e ku më ekstreme, janë tashmë të zakonshme ndaj tij ç’prej gati 20 vitesh, që kur u përshi në politikë dhe që kanë si autorësi e njëherësh si frymëzim, vetë liderin historik të PD-së, Berisha.
E sërish duke iu kthyer bullzimit, ky i fundit përdor së fundi dhe një etiketim ndaj Ramës, që poashtu mund të futet te kategoria e bullzimit: “kallam-dështaku”.
Siç dihet, bullizmi i referohet një defekti fizik. E në këtë rast, shtatlartësinë e Ramës, edhe pse nuk është defekt por tipar, Berisha e shfaq si mangësi, e me të më pas sajon një qasje bulliste ndaj kundërshtarit politik, edhe pa qenë bullizëm i kulluar. /tesheshi.com/
