Australiani që vrau 51 njerëz në dy xhami të Zelandës së Re në mars të 2019-ës, e planifikoi sulmin në detaje me qëllim që kishte sa më shumë viktima, tha prokurori në një seancë para dënimit që filloi të hënën.
Brenton Tuarant, i cili e përshkruan veten si një supremacist të bardhë, u deklarua fajtor për 51 akuza për vrasje, 40 akuza për vrasje të mbetur në tentativë dhe një akuzë të një sulmi terrorist, të gjitha të lidhura me masakrën në qytetin jugor të Christchurch, e cila ai transmetoi live në Facebook.
29-vjeçari po përballet me një dënim të përjetshëm, me siguri pa të drejtën e faljes, dhe një aktgjykim pritet më vonë këtë javë.
Krijimi i frikës brenda komunitetit
Në pranga dhe me një kostum burgu gri, Tarant u ul i zhurmshëm ndërsa shikonte të mbijetuarit dhe familjarët e viktimave të sulmit, të cilat flisnin për mënyrën se si jeta e tyre kishte ndryshuar që nga vrasjet.
Prokurori Barnaby Haëes tha se Tuarant i tha policisë pas arrestimit të tij se ai dëshironte të krijonte frikë brenda komunitetit musliman.
“Ai kishte për qëllim të frikësojë ata që ai i përshkruan si pushtuesit, përfshirë popullsinë muslimane dhe imigrantët jo-evropianë në përgjithësi”, tha ai, duke shtuar se sulmuesi shprehu keqardhje që nuk e kishte marrë dhe jetën e tij dhe se planifikoi të vinte zjarr xhami.
Masat e forta të sigurisë para gjykatës
Shumica e viktimave ishin në xhaminë Al Noor, pas së cilës ai sulmoi një xhami tjetër para se të kapet rrugës për në të tretën.
Kishte masa të forta sigurie para gjykatës, me qen policë në rrugë dhe snajper në çatitë.
Gjykatësi i Gjykatës së Lartë Cameron Mander tha se ai ka marrë më shumë se 200 deklarata nga viktimat, së bashku me parashtresat nga organizata të ndryshme.
“Unë i lexova të gjitha,” theksoi ai, si dhe fakti që ai nuk do të japë një aktgjykim para mëngjesit të së enjtes, pasi të gjithë të mbijetuarit dhe familjarët e viktimave të marrin një shans për të folur në gjykatë. /tesheshi.com/
