Pezullohet marrja në pyetje e nëntë personave të akuzuar për ngjarjet në Kumanovë, pasi siç deklaroi avokati mbrojtës i të pandehurve, procesi ka ka pasur shkelje ligjore nga ana e Prokurorisë.
“Ende nuk kemi përgjigje nga prokuroria për shkeljen e nenit 206, pika 5 e ligjit për Proçedurë Penale, me ç’rast të akuzuarve nuk u prezantohen provat që posedon prokuroria, gjë që është parakusht për marrjen e deklaratave nga të akuzuarit”, pohon avokati Raufi.
Avokati Raufi thekson se sipas këtij neni, para se të merren deklarata nga të akuzuarit, prokuroria është e detyruar t’i prezantojë të gjitha provat që posedon.
Ai ngre hipotezën se prokuroria nuk i ka të gjitha provat e duhura ndaj edhe heziton t’ua paraqesë të pandehurve dhe avokatit të tyre. Raufi thotë se do të këmbëngulë në paraqitjen e provave përpara nisjes së procesit të marrjes në pyetje.
Nga operacioni policor më 9 e 10 Maj në Kumanovë, në lagjen e Trimave mbetën 18 të vrarë, mes të cilëve 8 policë dhe 10 pjesëtarë të grupit të shqiptarëve të armatosur. /tesheshi.com/
