31-vjeçarja Qian Qian është femra më e shëndoshë në Kinë dhe peshon plotë 242 kilogramë. Pasi ka provuar gjithçka, gruaja ka vendosur t’i nënshtrohet një bajpasi gastrik për të humbur peshë. “Shpresoj që në këtë mënyrë të arrij të gjej dashurinë”,- shprehet ajo.
31-vjeçarja jeton në Kinë dhe siç raporton Mail Online, Qian Qian tregon se nuk ndihet asnjëherë e plotësuar, edhe pse ka gëlltitur pafund ushqim, pije, lëngje të ndryshme, me kalori të shumta.
Kur lindi ajo ishte një fëmijë si gjithë të tjerët, por më pas prindërit nisën ta dërgonin shpesh tek gjyshërit dhe oreksi i saj sa vinte e rritej, aq sa hante tre herë më shumë se moshatarët.
Në fillore peshonte thuajse sa dyfishi i fëmijëve të tjerë dhe në universitet arriti të ishte plotë 146 kilogramë. Kështu historia e vajzës me ushqimin vazhdoi ditë pas dite, deri sa mbërriti në peshën e sotshme. “Miqtë e m’i të vjetër, gjatë kësaj kohe janë fejuar e martuar, ndërsa unë vijoj të ëndërroj me sy hapur”,- shprehet Qian Qian.
Pasi ka bërë disa tentativa të dështuara për të humbur peshë, në muajin tetor Qian Qian vendosi tu drejtohej mjekëve dhe të kryejë një ndërhyrje kirurgjikale. “Shpresoj të provoj pak normalitet në jetën time dhe të gjej dashurinë”,- mbyll ajo intervistën e saj./tesheshi.com/
