Ministrja e Mbrojtjes, Olta Xhaçka ka paralajmëruar ndryshime ligjore në ligjin për Emergjencat Civile. Kjo sipas saj, për të vënë para përgjegjësisë dhe faktorin njerëzor në rastet e përmbytjeve.
Komentet e saj u bënë gjatë një inspektimi në Shkodër, atje ku zona të tëra janë nën ujë prej ditësh.
“Jemi duke parë për ndryshime ligjore në ligjin për emergjencat civile, për të vënë përpara përgjegjësisë të gjithë aktorët që kanë rol në përballimin e tyre. Do të parashikohen penalitete për institucionet që nuk veprojnë mbi përgjegjësitë që kanë dhe këtu kam parasysh pushtetin vendor, por edhe atë qendror”, deklaroi Xhaçka, e cila së bashku me eproren e saj, zv/kryeministren shkodrane Senida Mesi, parë nga afër përballimin e situatës.
Ndërkohë, për opozitën, shkaktare e përmbytjeve në Shkodër është qeveria, pasi vërshimi i ujit ka ardhur nga hapja e portave të hidrocentraleve. /tesheshi.com/
