Më 6 gusht 1945, saktësisht në ora 08:10, bomba bërthamore u lëshua mbi Hiroshima e mori jetën e 70 mijë vetëve, ndërsa mijëra të tjerë vdiqën nga lëndimet dhe rrezet radioaktive pas ditësh, javësh dhe muajsh në vijim.
Japonezët përkujtuan sot 70-vjetorin e shpërthimit bërthamor në Hiroshima, e tre ditë më pas edhe hedhjen e bombës në Nagasaki. Këto thuhet se i dhanë fund Luftës së Dytë Botërore, por u morën jetën të paktën 140 mijë njerëzve.
Në ceremoninë kryesore në parkun memorial në Hiroshima, mijëra njerëz thanë lutjet e tyre për shpirtin e viktimave, ndërsa mijëra fenerë janë lëshuar mbi lumin Motoyasu në këtë qytet.
Kryeministri Abe bëri thirrje për një botë pa armë bërthamore.
Në ceremoni, përpos kryeministrit Abe dhe kryetarit të Bashkisë së Hiroshimës, Kazumi Matusi, ka marrë pjesë edhe ambasadorja amerikane në këtë shtet, Caroline Kennedy.
Populli japonez në të gjithë vendin mbajti një minutë heshtje për të shënuar përvjetorin. Në Hiroshima, kambana që ran ë orën 08:15 minuta u kujtoi njerëzve momentin e tmerrshëm kur avioni amerikan hodhi bombën që rrafshoi krejt qendrën e qytetit. /tesheshi.com/
