“Dëshmorët kanë rënë për të jetuar përgjithmonë, ne që po jetojmë frytet e tyre duhet të punojmë që amanetin e tyre ta dërgojmë në vend, për një zhvillim e mirëqenë më të madhe ekonomike”.
Këto komente i ka bërë të shtunën në Mitrovicë, Kadri Veseli, kryetar i Kuvendit të Kosovës, në ditët e përkujtimit të dëshmorëve të kombit.
Në një ceremoni solemne u përkujtuar 76 dëshmorët e Kombit të rënë gjatë luftës së fundit në Kosovë.
“Është nder i madhe për mua që sot jam këtu për t’i nderuar këta dëshmorë që dhanë jetën për lirin e vendit që ne sot po e gëzojmë”, ka thënë Veseli.
Dhe sipas tij, duhet të punohet bashkërisht pwr rimëkëmbjen e qytetit të Mitrovicës, që sicc tha, në të kaluar ka qenë lavdia e Kosovës.
“Në të dy anët lumit Ibër duhet të punojmë pa dallim në ngritjen e ekonomike për qytetarët se ky ka qenë edhe ideali i këtyre dëshmorëve të Kombit që ne sot po i përkujtojmë”, ka thënë Veseli
Në anën tjetër Agim Bahtiri, Kryetar i Komunës së Mitrovicës, duke iu drejtuar qytetarëve të shumtë që ishin tubuar në këtë përvjetor ka theksuar se:
“Ky manifestim po mbahet në prag edhe të rivarrimit të eshtrave të Gjeneralit të Pavarësisë së Shqipërisë Isa Boletinit, e që për të gjithë këta dëshmorë të kombit ka qenë frymëzim për luftën dhe idealin e tyre për liri”.
I pari i Mitrovicës nga foltorja iu ka bërë thirrje të gjithë liderëve pa dallim që të bashkohen dhe të punojnë për një të ardhme më të mirë për Kosovën dhe qytetarët e saj:
“Nga ky vend i shenjtë ju bëj thirrje të gjithë politikanëve të Kosovës që të bashkohen dhe të punojnë për të mirën e fëmijëve tanë në mënyrë që gjakun e derdhur dhe amanetin e këtyre dëshmorëve ta çojmë në vend për një Kosovë më të përparuar dhe më të fuqishme ekonomike”. /tesheshi.com/
