Lidhja Social Demokrate e Maqedonisë ka publikuar sot materiale të përgjimeve nëpërmjet të cilave thotë se sjell dëshmi se Agjencioni “Securiry Group Service” i cili përfiton shuma milionëshe nga pushteti i Nikolla Gruevskit, është në pronësi të kusheririt të tij, shefit aktual të Drejtorisë për Siguri dhe Kundërzbulim Sasho Mijallkov.
Kjo kompani në një periudhë tre vjeçare ka nënshkruar kontrata të vlefshme 15 milion euro, tha Zoran Georgiev, zytrarë i lartë i LSDM-së.,
Pikërisht kjo kompani sigurimesh, është bërë mollë sherri mes BDI-së dhe VMRO-së, gjë e cila vërehet në një bisedë telefonike të cilën e publikoi LSDM-ja e që pretendon se është ndërmjet Sasho Mijallkovit dhe Musa Xhaferit, në të cilën Xhaferi i ankohet Mijallkovit se në kompaninë e sigurimit “SGS”, janë punësuar disa anëtarë të PDSH-së së Menduh Thaçit, për çka zëvendëskryeministri Xhaferi, kërkon nga Mijallkovi që t’ largohen nga puna.
TRANSKRIPT
MXH: Në atë agjencinë për sigurim…
SM: Po.
MXH: SMS, nuk e di si quhet…
SM: SGS.
MXH: E. Paska disa anëtarë, kështu aktivistë të shquar të PDH-së nga Çairi, por edhe disa që përndiqen…
SM: E di.
MXH: Më kanë thënë se punojnë për atë agjenci.
SM: Do ta zgjidhim atë punë shpejt.
SM: Unë prita të më tregojnë emra dhe ende nuk më kanë dhënë emra. Mua më thanë se do t’i largojmë, intervenuan prej diku tjetër, nga ai i juaji, nga ky…
SM: Si quhej ky nga Çairi?
MXH: Si?
SM: I juaji që është kryesori në Çair, si quhej?
MXH: Aha, Asani!?
SM: Jo bre Hacani, ky, nuk mundem të ja shqiptoj emrin…
MXH: Kryetar i degës, apo si po mendon
SM: Atje që e është njeriu juaj kryesor dhe që është i afërt me Aliun.
MXH: Por ai është, te ne për momentin kryetar i degës është Beqir Asani…, kurse ai tjetri…
SM: E Beqo, po. Për Beqon po foli.
MXH: Edhe tjetri poashtu quhet Asani, që ishte, që mori pjesë në vitin 2008 dhe ka fletëarrest, për atë…
SM: Jo, jo. Më dëgjo tani.
MXH: Asani quhet me mbiemër.
SM: Beqir Asani, i juaji?
MXH: Jo, jo edhe tjetri e ka mbiemrin Asani.
SM: Nuk po më kupton. Beqir Asani i juaj, përmes njerëzve që i njoh, më tregoi për këtë punë. Inë i thash okej, ata njerëz do të largohen, mi jepni emrat. Edhe Beqo i juaji duhej të mi japë emrat dhe unë nuk i mora emrat. Mi tregoni, mi jepni emrat e atyre njerëzve, që të largohen, më kutin.
MXH: Okej.
