Sekretari gjeneral i NATO-s, Hans Stolltenber, në konferencën e përbashkët për shtyp me kryeministrin Nikolla Gruevski, në Bruksel, e porositi këtë të fundit të respektojë vlerat demokratike në vend.
Stolltenber vuri theksin tek liria e medias dhe kërkoi t’i lejohet opozitës që të funksionojë normalisht.
Ai kërkoi hetim të pavarur dhe cilësor në lidhje me çështjen e përgjimeve, ndërsa shtoi se fajtorët duhet të japin llogari për çfarë kanë bërë.
“Kërkojmë hetim të pavarur dhe thelbësorë për akuzat serioze. Fajtorët duhet të japin llogari për atë që është bërë”-deklaroi Stolltenber.
Nga ana e tij, Kryeministri Nikola Gruevski premtoi procedurë transparente gjyqësore, ndërsa bëri me dije se shteti është i hapur edhe për monitorim nga jashtë.
Bashkëbiseduesit kanë prekur edhe temën e anëtarësimit të Maqedonisë në NATO, e cila sipas sekretarit të aleancës po ngec për shkak të problemit me emrin që vendi ka me Greqinë./tesheshi.com/
