Reagon kryetari i Komunës së Likovës, Sadulla Duraku, në lidhje me deklaratën e zëdhënësit të Policisë maqedonase për një sulm ndaj stacionit policor në Gushnicë, që thuhet se është bërë nga individë me uniformën e UÇK-së. “Nuk kemi informata që persona të armatosur janë sillur nëpër fshat. Në komunë nuk është paraqitur askush të ankohet për diçka të tillë”. tha Duraku.
Abedin Zymberi, komandant i Policisë Ushtarake të ish UÇK-së, për rajonin e Likovës, ngjarjen në Gushincë e quan lojë amatorësh dhe jo profesionale që nuk meriton vëmendje të madhe, por shton ai , duhet patur kujdes nga grackat e Nikolla Gruevskit i cili ka marrë teposhtën dhe tani dëshiron të luajë kartën nacionaliste për tu thënë maqedonasve se jemi të kërcënuar nga shqiptarët.
“Pushteti është duke luajtur lojë të pistë që duket haptas. Qytetarët e Likovës as që merren me gjëra të tilla. Ata janë të preokupuar me çështjen ekzistenciale dhe nuk janë të interesuar për luftë”, tha Zymberi.
Me katër prill të këtij muaji, Stojance Angelov, një ish-komandant Maqedonas nga konflikti I vitit 2001, deklaroi se posedon informacione për një grup kriminelësh që për një shumë të madhe parash do t’shkaktojnë incidente dhe tensione në rajonin e Likovës.
Angellov deklaroi atehërë se qeveria e Maqedonisë ka paguar 2 milion euro për të nxitur incidente ndëretnike ndërsa për këtë ta akuzojë Angellovin dhe liderin e LSDM-së, Zoran Zaev.
