Ajo është përplasur nga një autobus në fshatin ku qëndrojnë atletët gjatë zhvillimit të Lojërave Europiane në Baku. Viktimë e kësaj ngjarjeje ka ngelur austriakja Vanessa Sahinovic, e cila është vetëm 15 vjeçe dhe përfaqëson vendin e saj në not.
Pas aksidentit vajza ka pësuar fraktura të rënda në disa pjesë të trupit dhe gjendja e saj është kritike.
E reja është dërguar për trajtim të specializuar në një spital në Vjenë. “Vanessa Sahinovic ka pësuar disa fraktura dhe është e nevojshme që tu nënshtrohet disa operacioneve njëra pas tjetrës.”,- ka thënë Christoph Mierau, zëdhënës i Hospital Association në Vjenë.
Në aksident janë përfshirë edhe dy notare të tjera, Luna Payer e Verena Breit. Një zëdhënës i Baku 2015 ka thënë se ‘në lidhje me ngjarjen po heton policia dhe deri sa të mbyllen hetimet, nuk do të ketë deklarata të tjera’. /tesheshi.com/
