Partia Demokratike do të nisë nga dita e dielë një tur takimesh dhe dëgjesash me qytetarët dhe përfaqësues të bizneseve të vogla mbi përfshirjen në skemën e TVSH të bizneseve të vogla, sikundër është paralajmëruar nga qeveria “Rama2”.
Kjo u bë e ditur nga kreu demokrat, Lulzim Basha, sipas të cilit vendosja e TVSH për këto biznese do të ndikojë drejtpërsëdrejti në rritjen e çmimeve dhe kostot i paguajnë qytetarët.
“Që nesër unë dhe PD do të nisim tur takimesh për vendosjen e TVSH mbi biznesin e vogël. Do rriten çmimet për konsumimin e qytetarëve, do futet në krizë biznesi i vogël dhe efekti i tretë do të jetë fatura e tatimeve, 150 mijë lekë kosto shtesë për cdo biznes për kontabilitetin”, tha Basha. /tesheshi.com/
