Deputeti i pavarur Korab Sejdiu ka shprehur shqetësimin rreth lajmit që ka qarkulluar në media se ka lëvizur kufiri në mes Kosovës dhe Malit të Zi.
Sejdiu, në seancën e sotme plenare ka kërkuar nga kryeministri Ramush Haradinaj që ta sqarojë këtë gjë nëse është e vërtetë apo jo.
“Besoj që kryeministri do të na e sqarojë këtë, pasi që e dimë që Demarkacioni me Malin e Zi ende nuk ka përfunduar”, ka thënë Sejdiu.
Edhe pse Haradinaj ishte në sallë kur u bë pyetja, ai nuk u përgjigj.
Kujtojmë se mediat kanë raportuar se anëtarët e rinj të Komisionit shtetëror për shënimin dhe mirëmbajtjen e kufirit shtetëror të cilët së fundmi ishin në terren në kuadër të procesit të verifikimit të vijës kufitare kanë parë se si autoritetet malazeze ushtrojnë kontroll mbi territorin që pretendohet se i takon Kosovës. /tesheshi.com/
