E hëna apo e marta do të jenë ditët kur do të vendoset përfundimisht se ku do të luhen finalet gjatë tre sezoneve të ardhshme në Euroleague, në aktivitetin më të rëndësishëm europian në basketbollin për meshkuj.
Sipas propozimeve, Stambolli, Beogradi dhe Moska do të jenë tre qytetet ku do të luhen këto finale.
Final Four 2017 do ta ketë vendqëndrimin në Stamboll, aty ku luajnë dhe dy skuadrat më të njohura dhe më të suksesshme turke, Anadollu Efes dhe Fenerbahçe.
Për pallatin e sportit nuk është vendosur ende, por mund të jetë “Sinan Erdem” apo “Ülker Sports Arena”.
Basketbolli turk përfaqësohet me katër skuadra në këtë sezon të Euroligës. Gallatasaraj Odeabank, Fenerbahçe, Anadollu Efes dhe Daryshshafaka janë pjesëmarrëse në aktivitet.
Nëse Final Four do të zhvillohet në Beograd një sezon më pas, Kombank Arena besohet se do të jetë pallati i sportit kryesor i finaleve. E nëse përzgjidhet dhe Moska për sezonin e tretë në radhë, arena kryesore do të jetë pallati i ri i sportit i CSKA-së. /tesheshi.com/
