Gjashtë klube të futbollit të Superligës njoftuan gjatë natës se do të vazhdojnë me organizimin e planifikuar të garws, pavarësisht nga twrheqja e gjashtë klubeve angleze.
“Pavarësisht nga njoftimi për dorëheqjet e klubeve angleze, të cilat u detyruan nën presion, ne jemi të bindur se propozimi ynë është plotësisht në përputhje me ligjin dhe normat e Bashkimit Evropian, i cili u konfirmua sot me një vendim gjykate (në Madrid) duke mbrojtur Superligën”, thuhet në deklaratën e përbashkët të Real Madrid, Atletico, Barcelona, Juventus, Milan dhe Inter.
“Duke pasur parasysh situatën aktuale, ne do të shqyrtojmë hapat më adekuate për të rimodeluar projektin tonë, gjithmonë duke mbajtur parasysh t’u ofrojmë tifozëve përvojën më të mirë të mundshme dhe të theksojmë pagesat e solidaritetit për të gjithë komunitetin e futbollit,” shtuan ata.
Duke gjykuar nga agjencia e lajmeve ANSA, duket se Inter mund të jetë klubi tjetër që do të tërhiqet.
Agjencia citoi një burim nga klubi, i cili tha: “Aktualisht, projekti i Superligës nuk konsiderohet në interesin e Interit.”
Kundërshtimi i UEFA-s dhe FIFA-s
Të martën në mbrëmje, klubet angleze Manchester City, Manchester United, Arsenal, Liverpool, Tottenham dhe Chelsea njoftuan tërheqjen e tyre nga Super League, një projekt i shpallur publikisht të dielën.
Dymbëdhjetë klube të pasura evropiane kanë njoftuar krijimin e kampionatit të tyre me 20 klube, “i cili do të fillojë sa më shpejt të jetë e mundur”.
Njoftimi provokoi kundërshtimin e UEFA-s dhe FIFA-s.
UEFA më pas prezantoi një format të ri të Champions League nga 2024 që do të shkonte krah për krah me klube më të pasura, por që nuk është aq radikal sa Super League.
Njoftimi u bë pas një takimi me videokonferencë të gjashtë klubeve të mbetura, dhe pas paraqitjes së klubeve angleze. /tesheshi.com/
