Një përballje pati në PD mes njeriu me origjinë antikomuniste dhe atij me të kundërtën, si ish-komunist. Enkelejd Alibeaj, emri që ka pasuar Bashën si kryetar i komenduar demokrat, “priti” në zyrë Berishëm, i cili “hyri paqësisht” në selinë e ish-partisë së tij, pasi është i pëjashtuar nga ajo, me verdiktin e gjykatës që i njohu Kuvendin e 11 dhjetorit.
Alibeaj, ndër më të ashprit karshi Berishës gjatë këtyre muajve çarje në PD, rreshtuar me Bashën, potencuar me të madhe faktin se Berisha është një “non grata”, gjithashtu dhe ish-komunist, nuk druajti të theksonte sërish të parën, si një përgjigje për ish-liderin historik, se s’mund të qe më ai në krye të PD-së.
“PD ka lindur si parti pro perëndimore dhe ka përqafuar vlerat dhe standardet e
orientimin amerikano-europian. Kjo është një nga vlerat thelbësore të kësaj partie.
Nëse e mira e demokratëve është për t’i rifuqizuar duke respektuar në mënyrë strikte këto vlera, ajo se çfarë i thash Berishës ishte kjo: ‘PD, 30 vite pas themelimit të saj nuk mund të mbrojë interesat e demokratëve duke pasur brenda saj individë apo aq më keq një kryetar partie të etiketuar si ‘non grata’”, tha Alibeaj.
Por Berisha, siç pritej, e injoroi tërësisht këtë argument politik. 
“Vendimi i gjykatës legjitimoi më në fund vendimet historike të Kuvendit të 11 dhjetorit, vendimet të cilat sjellin Partinë Demokratike si parti të votës së lirë në themel të saj, parti e orientimit euroatlantik dhe interesit kombëtar”, tha Berisha.
Por siç mund të vërehet, ky është një ngërç i ri në krizën e paprecedent të PD-së.
Alibeaj tha se vendimi i gjykatës do ankimohej, e politikisht refuzon që Berisha të rimarrë drejtimin e saj. /tesheshi.com/
