Është zhvilluar një raund i parë bisedimi mes kryeministrit të Kosovës, Albin Kurti dhe presidentit të Serbisë, Aleksandër Vuçiç.
Takimi u realizua me ndërmjetësimin e Përfaqësuesit të Lartë të Bashkimit Evropian, Josep Borrell dhe të dërguari të posaçëm për dialogun, Miroslav Lajçak.
Dy aktorët kryesorë përcollën që në fillim atë që çdo gjë i ndan e asgjë s’i bashkon; ata as s’u përshëndetën e madje as sytë s’ja hodhën njëri-tjetrit në momentet e përballjes në tryezën e bisedimeve. I pari u ul Kurti e pas tij erdhi Vuçiç, duke e patur të fokusuar shikimin te diplomatët europianë.
Në ndërtesën e BE-së ku u zhvillua dialogu mbërriti edhe i dërguari amerikan për rajonin, Gabriel Escobar. Por pala amerikane s’merr pjesë në dialog, ajo vetëm mbështet përpjekjet e BE-së në procesin e normalizimit të marrëdhënieve ndërmjet Serbisë dhe Kosovës.
Nga ana tjetër, inisiativa e Kurtit për të aplikuar reprocitet me Serbinë në kufi erdhi pas nëj vizitë të tij në SHBA. Nga ana tjetër, Uashintoni kushtëzon Asosacionin serb në Kosovë me kushtetueshmerinë vendase, ndërsa BE e injoron faktin që Kushtetuta e Kosovës nuk e lejon krijimin e një Bashkësie të Komunave Serbe dhe urdhëron që Prishtina ta zbatojë si detyrim. /tesheshi.com/
