Arda Turan, Burak Jëllmaz, Selçuk Inan dhe Gëkhan Gënyl janë katër lojtarët e rithirrur në përfaqësuesen turke pas një mungese disamujore, që prej Europianit të kësaj vere në Francë.
Presioni mbi teknikun Fatih Terim, si dhe pozita aspak e mirë e Turqisë në grupin I të eliminatoreve të Botërorit 2018, kanë bërë që këta katër emra të jenë në listën e 28 lojtarëve të thirrur për takimin e 12 nëntorit me Kosovën në Antalja.
“Në dashtë Zoti, përsëri të gjithë bashkë për vendin.” Ka qenë ky reagimi i parë i yllit të Barcelonës, në polemika në distancë gjatë kësaj kohe me teknikun e përfaqësueses.
Një element i rëndësishëm, Xhaner Erkin, ka mbetur jashtë përfaqësueses, për shkak të një dëmtimi të rëndë. Do të mungojë dhe Emre Mor, talenti i Borusias së Dortmundit, për arsye kartonash.
Emre Çollak, që luan me Deportivo la Korunjën në Spanjë, është grumbulluar për herë të parë pas një viti.
Mungojnë mes të thirrurve Hakan Balta, Jasin Oztekin, Olxhaj Shahan dhe Mevlyt Erdinç. /tesheshi.com/
