Pasi kishte kaluar muaj të tërë duke luftuar në betejën me kancerin në spital, 81-vjeçari Clarence Blackmon, i lodhur nga jeta dhe gjithë çfarë kishte kaluar në kurriz, vendosi të kalojë ditët e fundit të jetës së tij në banesë.
Pas një periudhe të shkurtër kohe, gjithçka që kishte iu pakësua dhe një ditë vuri re se në frigoriferin dhe dollapët e tij nuk kishte asnjë grimë ushqimi. Në fund, ai u dorëzua dhe vendosi të telefonojë policinë, ku iu përgjigj operatorja Marilyn Hinson, të cilit i tha: “Nuk mund të bëj më asnjë gjë për veten time. Nuk kam ku të shkoj, nuk ngrihem dot nga karrigia ime”.
Zoti Blackmon deklaroi se ai do të vlerësonte çdo lloj ndihme që cdokush do të mund t`i jepte. Nga ana e saj, operatorja Hinson, nga Fayetteville, Arkansas u prek nga fjalët e burrit dhe vendosi ta ndihmojë atë.
“Ai ishte i uritur. Edhe mua më ka rastisur të jem e uritur. Shumë njerëz mbase mund të rrijnë pasivë dhe pa bërë asnjë gjë ndaj një situate të tillë, por unë nuk mundem. Nuk mund të dëgjoj se dikush është i uritur dhe të mos bëj asnjë gjë për të”,- tha gruaja.
Ajo rrëmbeu çantat, i mbushi ato me ushqime dhe ia çoi në banesë zotit Blackmon. Gruaja gjithashtu i bëri edhe disa sandiuçë shumë të shijshëm, të cilat i moshuari i hëngri me kënaqësi.
“Mu duk sikur një merkulli po trokiste në derën time, shumë pranë veshëve”,- tha 81-vjeçari. /tesheshi.com/
