Për herë të tretë, Vetëvendosje ka hedhur gaz lotsjellës në Kuvend. Kjo ndodhi në kohën kur u mblodhën deputetët dhe kryeparlamentari Kadri Veseli po përgatitej ta hapte votimin për ratifikimin e marrëveshjes së Demarkacionit me Malin e Zi.
Pas hedhjes së gazit, deputetët janë larguar sërish nga seanca dhe disa prej tyre kanë thënë se përpjekja e radhës për ta kaluar Demarkacionin do bëhet në ora 16:30.
Gazi është hedhur sërish nga deputeti Xhelal Sfeqla.
Ndërkohë, Kryesia e Kuvendit ka marrë vendim që të përjashtojë pesë deputetë të VV-së nga seanca: Fitore Pacollin, Liburn Aliun, Xhelal Sfeqla, Salih Zyba e Drita Millaku.
Mbetet të shihet nëse policia do të intervenojë të largojë me forcë këta deputetë të VV-së të cilët vazhdojnë të qëndrojnë brenda sallës. /tesheshi.com/
