Një fëmijë e moshës 4-vjeçare, e prekur nga leuçemia është “martuar” në spital me infermierin e saj të preferuar. Kjo ka ndodhur në New York, ku siç raporton Mirror, personali i qendrës Melodies, për tumoret e fëmijëve të vegjël, ka pregatitur Abby (ky është emri i nuses së vogël) për ceremoninë. Kishte lule dhe petale gjithandej në dysheme. Dhëndri, Matt Hickling mbante veshur një bluze.
Stafi organizoi të gjithë ceremoninë brenda 12 orëve, duke parë që e vogla është duke luftuar një lloj leuçemie të njohur si ‘leucemia linfoblastica acuta’. Infermierët nuk kanë harruar asnjë detaj. Në pavion kishte edhe një makinë të vogël në të cilën shkruhej ‘Just married’.
Dhëndri ka thënë: “Shpresoj që kjo të jetë një ditë që Abby dhe familja e saj do ta kujtojnë me buzëqeshje, kur të përballen me momentet më të vështira të sëmundjes”.
Normalisht, martesa ishte një lojë për të bërë të lumtur Abbyn, por nëna e të voglës është shprehur shumë mirënjohëse për sjelljen e stafit të spitalit. “Kemi qenë me shumë fat që kemi takuar këta njerëz. Faleminderit shumë”, është shprehur ajo. /tesheshi.com/
