Zyrtarët britanikë të Shëndetit Publik thonë se njerëzit pas të dyzetave janë më pak aktiv, por për shkak të shqetësimit se niveli i lartë i pasivitetit mund të dëmtojë shëndetin e tyre, thonë se njerëzit e moshës mesatare duhet të shetisin më shumë dhe të ecin më shpejt.
Ata thonë se vetëm dhjetë minuta shetitje ditore dhe ecje e shpejtë redukton rrezikun e vdekjes së parakohshme për 15 për qind.
Sipas vlerësimeve të tyre 41 për qind e njerëzve të moshës 40-60 vjeç nuk ecin shpejt as një herë të vetme në muaj. Gjithashtu, çdo të gjashtën vdekje e lidhin me pasivitet.
Mesatarisht, njerëzit janë 20 për qind më pak aktivë se në vitet ‘60 dhe mesatarisht shetisin 24 km më pak në vit sesa para dy dekadave.
Për të ndihmuar njerëzit e moshës mesatare, një agjenci qeveritare po promovon përdorimin e aplikacionit Active 10 i cili monitoron se sa lëviz një njeri dhe ofron këshilla se si të rritet aktiviteti dhe ta inkorporojë atë në rutinën e përditshme.
“Shëtitja deri në dyqan apo ecja e shpejtë për dhjetë minuta gjatë një pauze dreke ka përfitime të shumta shëndetësore”, tha Jenny Harries, drejtor i agjencisë qeveritare për shëndetin publik të Mbretërisë së Bashkuar. /tesheshi.com/
