Shumë prej nesh mund të kenë dëgjuar të thuhet, veçanërisht kur kemi qenë të vegjël, se karotat na bëjnë mirë për sytë. Edhe pse disa herë mund të kemi menduar se bëhet fjalë vetëm për një justifikim që prindërit përdornin për të na detyruar të konsumonim karota apo për të ngrënë më shumë perime, ekzistojnë disa ushqime që na ndihmojnë të kemi një shëndet të mirë të këtij organi. Ja cilët janë më të mirët…
Specat e kuq – Sipas dietologes Susie Burrell, këto perime me ngjyrë janë shumë të rëndësishëm për organizmin tonë. Specat, ashtu si karotat, përmbajnë një nivel të lartë të karotenoideve, të cilat janë tepër të rëndësishme për të parandaluar e disa lloj sëmundjesh.
Arrat – Janë të pasura me vitamina dhe minerale, e veçanërisht me selen. Të dalluara për vetitë e tyre antioksiduese, ato ndihmojnë syrin të mbajë larg probleme të rëndësishme me shikimin.
Kivi – Ky frut i vogël jeshil përmban një sërë përfitimesh për organizmin. Është i pasur me antioksidantë dhe një kivi i vetëm i ofron organizmit sasinë e duhur të vitaminës C gjatë një dite. Kjo sasi është e nevojshme për prodhimin e kolagjenit në korne si dhe për shëndetin e vazove të gjakut që garantojnë funksionimin e syrit.
Perimet me gjethe jeshile – Në veçanti spinaqi, i cili ndihmon retinën e syrit të mos dëmtohet nga drita e fortë. /tesheshi.com/
