Bashkimi Evropian ka dënuar fuqishëm përpjekjen për grusht-shtet në Turqi.
Në një deklaratë të lëshuar të hënën pas një takimi të Këshillit të Jashtëme të BE-së, ku morën pjesë ministrat e Punëve të Jashtme, blloku ka shprehur mbështetjen për institucionet legjitime të Turqisë.
Duke vënë në dukje solidaritetin e BE-së me popullin turk, blloku ka vlerësuar “qëndrimin e përbashkët të partive politike në mbështetje të demokracisë së Turqisë”.
BE nënvizoi rëndësinë e respektimit të rendit kushtetues dhe sundimin e ligjit në Turqi, por ka kujtuar “kundërshtimin e qartë të dënimit me vdekje”.
BE-ja ka thënë se “nënvizon nevojën për të respektuar demokracinë, të drejtat e njeriut dhe liritë themelore të njeriut dhe të drejtën e secilit për një gjykim të drejtë dhe në përputhje të plotë me Konventën Evropiane për Mbrojtjen e të Drejtave Themelore të Njeriut, përfshirë Protokolin 13 për heqjen e dënimit me vdekje. /tesheshi.com/
