Brioshët me kos pa gjalpë janë ushqimi ideal për mëngjes dhe shumë i lehtë. Të përsosura për mëngjes apo për vaktin e pasdites, mund t’i konsumosh vetëm apo të shoqëruara me krem të ndryshëm. Fëmijët i adhurojnë dhe për më tepër, janë tepër të thjeshtë për tu pregatitur.
Përgatitja:
Përzieni mirë miellin, kripë, pak sheqer, vezë, mjaltë dhe kos. Bëni kujdes me kosin: shtojeni atë ngadalë, ndërsa përzieni brumin e krijuar, i cili duhet të jetë homogjen dhe jo shumë i ngurtë në fund. Do t’ju duhet të përzieni për rreth 10 minuta. Formoni një top me brumin dhe lëreni në një vend të ngrohtë derisa masa e tij të jetë dyfishuar.
Hapni brumin me një okllai deri sa të krijoni një formë rrethore dhe më pas ndajeni në 8 ose 16 trekëndësha.
Formoni brioshët duke mbushur me reçel apo me çfarë të dëshironi ju pjesën brenda. Më pas renditini në një tepsi dhe lyejini sipër me vezë të rrahur me qumësht.
I vendosni në furrë në temperaturën 160 gradë për rreth 20-25 minuta. Nxirrini nga furra pasi të jenë fryrë dhe të duket lehtësisht që janë pjekur. Pasi të ftohen pak, mund t’i konsumoni lehtësisht./tesheshi.com/
