Ëndrra e çdo femre është të ketë një dollap të mbushur me veshje të shumëllojshme, të cilat ka mundësi ti ndërrojë në çdo moment të ditës, ti kombinojë me aksesorët, çantat e këpucët, për çdo rast.
Për fermat që i përkasin familjeve mbretërore ka disa kufizime të mëdha në veshje, duke qenë se rrobat e tyre, përgjithësisht duhet të jenë serioze dhe rrobat “jozyrtare” në shumë pak raste mund të përdoren. Shembullin më të mirë për të vërtetuar këtë, kemi dukeshën e Kembrixh, Kate Middleton, të cilën nuk e kemi parë thuajse asnjëherë të veshur në mënyrë rastësore apo sportive.
Sa i takon dollapit të bollshëm të veshjeve të mbretëreshës Margrethe të Danimarkës, ai do të jetë i ekspozuar për një kohë të gjatë në sallat e kështjellës së Frederiksborg. Vizitorët dhe vizitoret do të kenë mundësinë të shikojnë veshje nga më klasiket e deri tek më elegantet. Bëhet fjalë për mbi 50 fustane e kostume, të cilat Margrethe i ka përdorur gjatë vitit 2013.
Ato janë të dizenjuara nga stilistë të famshëm. Mes veshjeve të shumta, do të gjeni edhe ato të moshës së fëmijërisë së mbretëreshës si dhe ajo e përdorur për martesën e princit Henrik në 10 qershor të vitit 1967. Fustani i saj i nusërisë ka ngelur në dollap për dhjetëvjeçarë të shumtë, tashmë do të mund të admirohet nga vizitorët e pranishëm./tesheshi.com/
