Për 95 stërlina në javë një banesë në Londër, por a ja vlen me këto kushte?

“Jepet apartament me qira në Londër për 95 stërlina (rreth 125 euro) në javë”. Një lajmërim kaq ftues, veçanërisht në kohë krize dhe në një nga qytetet më të shtrenjta të Europës, nuk kishte parë prej kohësh. Por prisni, pasi ka detaje të tjera, nuk mbaron me kaq.

Siç mund ta imagjinoni, bëhet fjalë për një apartament shumë të vogël, por çmimi është i justifikuar prej një veçantie, siç mund ta kuptoni edhe prej fotografive të publikuara në sajtin e lajmërimeve Gumfree.
Banesa në fjalë, e cila përcaktohet si ‘një hapësirë studimi me një kënd kuzhine, dush dhe dy shtrate’, në fakt nuk është gjë tjetër veçse një dhomë e vogël. Për më tepër, kabina e dushit është ngjitur pranë vendit të gatimit, pranë furrës dhe vendit të mikrovalës, e sikur të mos mjaftonte që dushin duhet ta bësh në kuzhinë, krevati është ngjitur me dollapin.

Shtrati i dytë ndodhet në një kat të ndërmjetëm, ndërsa nuk ka asnjë gjurmë të tualetit për kryerjen e nevojave personale. Për të mos folur pastaj që banesa ndodhet jashtë vijës së verdhë dhe shumë larg zonave të populluara. A mendoni se ja vlen një çmim i tillë për këtë banesë??/tesheshi.com/