Korea e Veriut pritet të ndryshojë edhe orën për të distancuar veten nga imperialistët japonezë dhe ata të Koresë së Jugut. Në përvjetorin e çlirimit nga japonezët, në fund të Luftës së Dytë Botërore, Peniani pritet të kthejë pas 30 minuta orën lokale e kjo do të ndodhë 15 gushtin e ardhshëm.
Korea e Veriut aktualisht ka të njëjtën orar me Korenë Jugut dhe Japoninë, ose 9 orë para Grinuiçit.
Agjencia shtetërore e lajmeve KCNA deklaroi se, “imperializmi i keq japonez” i kishte imponuar Koresë kohën standarde, duke ndryshuar orën gjatë pushtimit.
I gjithë gadishulli Korean, atëherë një shtet i vetëm, ishte 8 orë e gjysmë para Grinuiçit derisa Japonia e kolonizoi në vitin 1910.
Zyrtarë të Koresë së Veriut thanë se vendimi reflekton besimin e palëkundur të shërbëtorëve të shtetit dhe njerëzve tek 70-vjetori i çlirimit të Koresë.
Megjithëse një vendim simbolik, ai ka gjasa të shkaktojë probleme në funksionimin e impinatit të përbashkët industrial të Kaesong.
Korea e Jugut reagoi duke deklaruar se kjo lëvizje mund të shkaktojë probleme afatshkurtra në impiantin industrial Kaesong të Veriut, që menaxhohet bashkarisht nga dy Koretë.
Koreja e Veriut mund ta marrë pa problem vendimin për të ndryshuar orën, pasi nuk ka detyrime ndërkombëtare në këtë drejtim. /tesheshi.com/
