Një tjetër figurë krimi paralajmëron “hapje goje” porsi Nuredin Dumani, famëkeqi që po i rrëfen Policisë krimet e kryera në vite, si dhe personat më të cilët ka bashkëpunar.
Ai është 31-vjeçari Besjan Xhixha, një prej të arrestuarve pas dëshmive së Nuredin Dumanit.
Në seancën e masës së sigurisë në Gjykatën e Posaçme Kundër Korrupsionit dhe Krimit të Organizuar, Xhixha citohet të ketë thënë se pas çdo vrasjeje, Nuredin Dumani u jepte siguri se nuk do t’u ndodhte asgjë, pasi u thoshte se kishte lidhje me ministra, deputetë, prokurorë.
Xhixha ka paralajmëruar se do flasë pikërisht për këto lidhje.
“Nuredin Dumani ka kryer 12 vrasje. Pas çdo vrasje, na ka thënë se nuk më gjen asgjë, pasi ka lidhje me ministra, deputetë, prokurorë, madhe më ka thënë që ka lidhje me prokurorin Altin Dumani. E ka njeriun e vet dhe ndihej i mbrojtur.
Dumani është strehuar më shumë sesa një vit e gjysmë në shtëpinë time dhe e njoh dhëmbë e dhëmballë, madje një dhemb prej floriri e kemi vendosur tek një i afërmi im, nëse doni shkoni e verifikoni.
Dumani duhet të flasë për të gjitha krimet që ka kryer, nëse me të vërtetë është i penduar”, mësohet të ketë thënë Xhixha në seancë. /tesheshi.com/
