Personaliteti më i njohur i futbollit kilian, e njëherësh një prej më të njohurve në botë, Manuel Pelegrini, ra preh e një grupi grabitësish të armatosur në Santiago, vendlindjen tij, duke u plaçkitur së bashku me gruan që kishte në krah.
I sapoemëruar trajner i klubit londinez Ëest Ham, ai ishte kthyer për pushime në kryeqytetin e vendit të tij dhe, sipas mediave angleze, u sulmua dhe u plaçkit teksa po shkonte në një restorant.
Thuhet se grabitësit, nën kërcënimin e armëve ia morën çantën e gruas së Pelegrinit dhe gjithashtu, me automjetin rrëmbyer nga çifti u larguan nga vendngjarja. Në ikje ata hapën zjarr ndaj policisë e cila u përpoq t’i ndalonte, por pamundur.
Gjithsesi Pelegrini u tregua falenderues.
“Falënderoj policinë për reagimin e guximshëm dhe të shpejtë. Falenderoj edhe qytetarët që na dolën në ndihmë. Shpresoj që policia të marrë më seriozisht luftën kundër krimit në Kili”, tha ai. /tesheshi.com/
