Të pakënaqur me ministren Shahini, me faktin që ajo nuk iu përgjigj ultimatumit të tyre ashtu siç e kërkonin, grupi i pedagogëve të Filologjikut nisi një grevë.
Ata dolën me tre pika në aksionin e tyre protestues, pas kishin vënë një afat deri në mbrëmje:
– Të nisin grevën e pedagogëve.
– T’u bëjnë thirrje asambleve të të gjitha fakulteteve të UT që të mblidhen sa më parë për të koordinuar veprimet.
– T’u bëjmë thirrje të gjitha asambleve dhe pedagogëve të Universiteteve Publike që t’i bashkohen grevës së përgjithshme.
Kjo grevë pedagogësh vjen ndërsa një grup studentësh vijojnë të protestojnë në disa fakultete, duke i bllokuar ato.
Mes pedagogëve, një pjesë e tyre janë eksponentë te drejtëpërdrejtë apo të tërthortë të opozitës, duke i dhënë kështu aksionit të tyre dhe një dimension të qartë politik më shumë sesa arsimor. Ata kërkojnë shfuqizimin e Ligjit të Arsimit të Lartë, por dhe Paktit për Universitetin, me pretendimin se shkel autonominë universitare. /tesheshi.com/
