AAK-ja dhe Nisma tashmë kanë konfirmuar se do të ndahen nga PDK-ja në Kuvend, duke e lënë këtë parti si grupin e tretë parlamentar.
Meqenëse PDK-ja do të veproj si grup i vetëm parlamentar, aty ende nuk është vendosur se kush do të jetë kryetari i deputetëve.
Zenun Pajaziti, ish-kreu i grupit parlamentar të PDK-së në mandatin e kaluar, ka thënë për Koha.net se për këtë mandat ende nuk është vendosur se kush do të jetë.
“Nuk kemi vendosur ende. Besoj që pas mbledhjes së ardhshme që do të mbahet do të vendosim kush do të jetë”, ka thënë Pajaziti.
Shefi i grupit parlamentar të AAK-së pritet të jetë Ahmet Isufi, i cili edhe është nënkryetar i partisë.
Kurse shef i grupit parlamentar të Vetëvendosjes do të jetë Glauk Konjufca, ndërsa i Nismës do të jetë Bilall Sherifi. /tesheshi.com/
