Shtabi elektoral i kandidatit të djathtë për bashkinë e Dibrës i ka bërë edhe njëherë thirrje të gjithë votuesve që të ushtrojnë të drejtën e votës në këto orë që kanë mbetur. Në një dalje për mediat, zëdhënësja e shtabit tha se pjesëmarrja në votim po rritet nga ora në orë, ndërsa theksoi se krimi, shantazhet dhe paratë e korrupsionit u thyen dhe u zprapsën përballë qendresës qytetare.
Në deklaratën e zëdhënëses së shtabit elektoral të partisë Demokratike, Irini Shehu thuhet se procesi vazhdon normalisht kudo. “Dilni dhe votoni me qytetari dhe me mençuri dibrane”, tha ajo, ndërsa më herët shtabet respektive të shumicës dhe opozitës në Dibër kanë akuzuar njëi-tjetrin për prishje të procesit. /tesheshi.com/
