Zv/kryeministrja Belinda Balluku, njëherësh ministre e Infrastrukturës dhe Energjitikës, dukshëm prej figurave më të forta dhe me të ardhme në PS, ka folur për herë të parë për veten e saj në raport me të qënit mbesë e Beqir Ballukut.
Kujtojmë që ky i fundit, një ish-figurë e lartë e regjimit komunist, u ekzekutua pikërisht nga ai regjim, duke u lënë dhe pa varr.
Kësisoj, familja e tij iu nënshtrua një perzekutimi të ashpër. Pikërisht për këtë ka folur mbesa e tij, sot figurë e lartë e të majtës.
“Kur unë kam qenë 7 vjeç kam filluar të kuptoj se çfarë ishte armiku i klasës dhe i popullit sepse tek fëmijët e tjerë duhet të shkonin nëpër evente, spartakjada, olimpiada unë përjashtohesha gjithmonë sepse isha mbesa e armikut, kështu që të dëgjosh sot gazrat e parlamentit tek përmendin emrin e gjyshit, apo tek përmendin prindërit që sot e kësaj dite vazhdojnë e përjetojnë tmerrin e persekutimit në politikë, minimalisht mund të quhet qesharake, përndryshe quhet një tragjedi,” u shpreh ajo në një intervistë në Euroneës Albania.
Kritika e saj i drejtohet zërave të opozitës, e cila ka zgjedhur, varësisht pozicionit politik, ta konsiderojë Ballukun si emër të ish-nomeklaturës e jo si ish-të persekutuar.
Por siç është e qartë, familja Balluku e ka pësuar nga Beqiri, ndaj këtu vihet në provë standarti moral i PD-së në qasjen ndaj figurave politike kundërshtare, nëse do jetë një apo disa, varësisht rrethanave.
Balluku solli në publik atë që vërtet përbën një persekutim. “Një fakt që nuk mohon dot askush për familjen time, për familjen Balluku dhe nuk flas këtu për farefisin, po flas këtu për gjyshin tim, gjyshen, mamanë, babain, xhaxhallarët dhe dy hallat e mia, pra për familjen e ngushtë, familja ime ka në kurriz 135 vjet burg dhe internim dhe nuk e di kush nga deputetët e parlamentit ka gojë të zërë emrin e familjes time,” u shpreh ajo.
Në këtë rast, o do dalësh të thuash se familja Balluku e ka merituar këtë persekutim, duke bërë kështu një klasifikim të ish-të përndjekurve, ose do i pranosh sit ë përndjekur e t’i respektosh si të tillë, paçka rivalitetit politik. /tesheshi.com/
