Pas një rezistence të gjatë më në fund Partia Demokratike ka dorëzuar sot pranë KQZ kërkesën për tu regjitruar si subjekt për zgjedhjet e përgjithshme parlamentare të 25 qershorit dhe për ato vendore në Kavajë. Partia Demokratike vendosi të hyjë në zgjedhje, pas marrëveshjes së arritur me kryeministrin Rama nga e cila mori 6 ministra në qeveri dhe disa drejtori kyçe në administratë.
Regjistrimi si subjekt është bërë 24 orë përpara afatit për dorëzimin e listave të kandidatëve. Kryetari i PD-së Lulzim Basha është duke përpiluar listat e kandidatëve për deputet që pritet të publikohen nesër por media ka nisur spekulimet për emrat që do të jenë në këtë listë.
Lajmi i parë është se aleatët Dashamir Shehi dhe Nard Ndoka do të jenë pjesë e listave të sigurta, i pari në Tiranë dhe i dyti në Shkodër. Akoma pa marrëveshje është PAA-ja e Agron Dukës, i cili i ka kërkuar Bashës 3 vende në lista.
Ndërkohë burime pranë PD-së flasin për lënien jashtë listave të dy aleatëve më kontravers të Ramës, Kreshnik Spahiun dhe Eduart Ndocajn.
Ditën e premte kryetari Lulzim Basha do të hartojë listat zyrtare te cilat duhet të dorëzohen në Komision Qëndror të Zgjedhjeve brenda orës 24:00./tesheshi.com/
