Është politiziuar menjëherë shpallja “pafajshme” e organizatës “Hakmarrja për Drejtësi”. Për PD-në, aty fshihet dora e Ramës dhe e gjitha ka të bëjë me zgjedhjet e qershorit.
“Kur i ngelen edhe pak muaj në pushtet, Edi Rama ka arritur t’i sigurojë lirinë organizatës më kriminale në vend, “Hakmarrjes për Drejtësi”. Vendimi i sotëm i Gjykatës së Apelit është thjesht një zbardhje e urdhërit të Edi Ramës. Nuk ka asnjë dyshim, që është ai pas kësaj goditjeje të rëndë ndaj ligjit dhe rendit”, tha kreu i PD-së, Basha.
“Pas lirimit të Lul Berishës në Durrës, mos kapjes së Klement Balilit në Sarandë, dërgimit në spitalin e burgut të Emiljano Shullazit në përgatitje për ta liruar nga burgu në Tiranë, lirimi i Hakmarrjes për Drejtësi ka konsoliduar një fron të pastër kriminal të kontrolluar dhe në shërbim të Edi Ramës. Sepse vetëm kështu mund ta mbajë pushtetin”, shtoi më tej ai. /teshesh.com/
