Në PD as që bëhet fjalë që Berisha të mos shërbejë si frymëzim apo referencë politike. Këtë e ka pohuar një prej anëtarëve të strukturave demokrate, Fatbardh Kadilli, sipas së cilit, Berisha është një ikonë që duhet ruajtur me nder.
“Nuk ka një njeri që e njeh Berishën apo e ka parë në televizor dhe nuk e kupton që ai është një qenie 100% politike.
Edhe brenda, edhe jashtë parlamentit, Sali Berisha prodhon më shumë se një parti politike.
Është në nderin e një force politike që ikonat e veta t’i mbajë gjithmonë pranë.
Nuk shoh problem. Përkundrazi, është garanci e seriozitetit në momente të caktuara. Është shumë herë më i prirur të interpretojë opozitarizmin”, tha Kadilli, për atë që përbën dhe debatin më të madh mbi PD-në sot.
Ndërsa në konsideratën mbi Bashën, Kadilli tha se ai është më ndryshe.
“Basha është më racional, nuk është emocional. Berisha i ka treguar rezultatet e tij. Basha ka radhën të matet me rezultatet e veta”, tha zyrtari demokrat gjatë një intervistë në Top Talk në TCH. /tesheshi.com/
