E tha Flamur Noka paradite dhe e përforcon Lulzim Basha disa orë më vonë.
Opozita do ndërmarrë një të ashtuquajtur aksion kombëtar, për rrëzimin e Edi Ramës. Në dalje nga mbledhja e grupit, kreu Lulzim Basha përjashtoi çdo mundësi të nisjes së reformës zgjedhore, duke thënë se “reforma zgjedhore do të fillojë atëherë kur vendi të ketë një qeveri antimafia”.
“Nuk ka shqiptar dhe europian që nuk e di përgjegjësinë politike të Edi Ramës për shndërrimin e Shqipërisë në narko-shtet. Kjo do të mjaftonte për çdo Kryeministër që të japë dorëhejqen, por nuk mjafton për Edi Ramën, ndaj opozita do të ndërmarrë një aksion kombëtar për largimin e Edi Ramës”, theksoi kryedemokrati.
Ndërsa pararendësi i tij në këto mesazhe, deputeti Noka, shfaqi bindjen se Rama do rrëzohet punë javësh. /tesheshi.com/
