Partia Demokratike ka denoncuar një ngjarje të ndodhur rreth orës 6:30 të mëngjesit të sotshëm në Sukth, ku një bandë e armatosur me kallashnikov dhe me maska ka dhunuar biznesmenin Osman Pana.
Kreu i Departamentit të Rendit e Sigurisë në PD, Enkeled Alibeaj akuzoi se policia e di kush janë personat, por nuk merren masat, pasi maskat e armatosura janë të lidhura me Vangjush Dakon dhe Edi Ramën.
“Janë të njëjtët banditë që kanë terrorizuar qytetarët në zgjedhjet e fundit lokale, që kanë dhunuar komisionerët, banditë që ishin në shërbim të Dako-Ramës. Ky është sundimi i krimit të veshur me pushtet, në Sukth dhe në gjithë vendin”, – tha Alibeaj.
Ai shtoi se Partia Demokratike i bën thirrje prokurorisë të hetojë me shpejtësi e të nxjerrë para ligjit këta banditë që dhunojnë, vendosin gjoba e terrorizojnë qytetarët. /tesheshi.com/
