Chelsea ka zyrtarizuar huazimin e sulmuesit brazilian Alexandre Pato nga Corinthians, të paktën deri në fundin e sezonit.
Në fjalët e tij të para si lojtar i skuadrës londineze, ish-djaloshi i artë u shpreh:
“Jam shumë i lumtur për nënshkrimin me Chelsea-n. Kjo është një ëndërr për mua. Mezi pres t’i takoj bashkëlojtarët dhe të filloj të luaj. Unë dua ta falënderoj klubin për mbështetjen, dhe shpresoj që ta shpërblej besimin e tij dhe të tifozëve”.
Kështu, Pato do rinisë një tjetër aventurë europiane, pas pesë viteve të kaluara më herët tek Milan-i, skuadër për të cilën ka luajtur 117 herë dhe ka realizuar 51 gola. /tesheshi.com/
