Miliarderi dhe sipërmarrësi amerikan Bryan Johnson vazhdon të tronditë publikun me përpjekjet e tij ekstreme për të ngadalësuar plakjen, edhe me koston e shëndetit dhe jetës së tij.
Ky manjat i teknologjisë është i njohur për shpenzimin e miliona dollarëve çdo vit për trajtime të ndryshme mjekësore që ai pretendon se duhet të sigurojnë rininë e tij. Ai u bë edhe më i famshëm kur njoftoi se arriti të rinovojë penisin e tij me 15 vjet.
“Kam arritur rezultate perfekte në të gjitha kategoritë. Dhe ne pyesim veten se çfarë do të ndodhte nëse do të zbatonim të njëjtin parim për penisin – a do të përmirësonte ereksionet gjatë natës,” tha Johnson në atë kohë.
Tani ai është rikthyer në qendër të vëmendjes për shkak të një eksperimenti të ri që fatkeqësisht çoi në pasoja të rënda për shëndetin e tij. Përkatësisht, trajtimi i tij për përtëritje të fytyrës përfundoi me një reaksion të rëndë alergjik që shkaktoi ënjtje të rëndë të fytyrës dhe Johnson humbi përkohësisht shikimin.
“Fytyra ime u fry menjëherë pas injeksioneve dhe u përkeqësua derisa nuk mund të shihja. Ishte një reaksion i rëndë alergjik,” ndau ai me më shumë se 950,000 ndjekësit e tij në Instagram.
Ky trajtim, i cili përfshin injektimin e qelizave yndyrore në fytyrë për të rikthyer volumin dhe pamjen rinore, zakonisht përdor yndyrën e vetë pacientit, zakonisht nga barku ose kofshët.
Megjithatë, Johnson, i cili është në një dietë të rreptë prej vetëm 1,950 kalorish në ditë – shumë nën mesataren për një të rritur – nuk kishte yndyrë të mjaftueshme trupore për të përdorur teknikën, duke e komplikuar më tej të gjithë procedurën.
Për shkak të mungesës së yndyrës së tij, Johnson përdori qelizat e donatorëve, por reagimi i trupit ndaj këtij materiali ishte katastrofik.
“E telefonova kolegun tim dhe i thashë: Ndoshta nuk do të më njihni sot. Mendoj se jam mirë. Shpresoj se jam mirë. Nëse nuk jam, ndoshta ju dini ndonjë teknikë për të shpëtuar jetën?” /tesheshi.com/
