Sekretari i Mbrojtjes i SHBA Lloyd Austin ka bërë thirrje për rritjen e presionit ndërkombëtar për qeverinë afgane dhe kryengritësit talibanë për të arritur një marrëveshje paqeje.
“Situata e sigurisë në Afganistan kërkon presion të rritur ndërkombëtar për të arritur një marrëveshje politike në mënyrë që t’i japë fund konfliktit,” tha Austin.
Thirrja e Austin erdhi në një kohë kur talibanët po regjistrojnë suksese në rritje ushtarake ndërsa tërheqja e trupave të SHBA dhe NATO nga Afganistani po merr fund.
Presidenti i SHBA Joe Biden njoftoi të Premten se tërheqja e trupave amerikane nga Afganistani do të përfundonte më 31 gusht, pas gati 20 vjet luftë.
Talibanët thanë të premten se kontrollonin 85 përqind të territorit të Afganistanit, duke përfshirë dy pikat kryesore të kalimit kufitar, me Iranin dhe Turkmenistanin. /tesheshi.com/
