Në Turqi u bllokua hyrja në Twitter, Facebook dhe Youtube. Vendimi u mor nga autoritetet vendase, pasi tre rrjetet sociale publikuan fotografitë e prokurorit Mehmet Selim Kiraz, i marrë peng të martën, nga dy terroristë të Dhkp-C dhe që më pas u vra.
Nuk dihet se për sa kohë do të zgjasë bllokimi, ndërsa aktualisht vijojnë të funksionojnë rrjetet e tjera Ttnet, Turkcell, Superonline dhe Avea.
“Hurriyet online” duke cituar dokumentin urdhërues për bllokim, thotë se janë 166 sajte që do të bllokohen, për shkak të publikimit të fotove ku shfaqej prokurori i marrë peng.
Prokurori mendohet se u mor peng dhe u vra, pasi kishte drejtuar hetimet mbi vdekjen e një 15 vjeçari Berkin Elvan, gjatë protestave antiqeveritare në vitin 2013.
