Pas vizitës së Kancelares Angela Merkel në Tiranë, thuajse çdo ditë ka një numër të konsiderueshëm zyrtarësh që arrstohen për korrupsion dhe abuzim, ndërkohë që institucione si Kontrolli i lartë i Shtetit po dërgojnë për procedime drejtues të mesëm e të lartë institucionesh.
Pas arrestimit të kryeregjistruesit të pronave në Lushnje, ditën e djeshëm u janë vënë prangat të gjithë ekipit të tatim-taksave në Shkodër me akuzën se kanë favorizuar disa subjekte të rëndësishme në plazhin e Velipojës, të cilët i përkasin personazheve të njohura të lidhur me politikën. Së shpejti do të dalin edhe detaje të tjera. Tesheshi.com ka paralajmëruar që herët që fushata antikorrupsion do të vijojë me intensitet deri në fundin e vitit për të ardhur tek një numër tre shifror deri në fund të dhjetorit.
Kështu, siç njoftojnë burime zyrtare në Policinë e shtetit, 9 specialistë të Drejtorisë së Tatim-Taksave në Shkodër janë arrestuar nën akuzën e krijimit të një skeme korrupsioni me subjektet tregtare në plazhin e Velipojës.
Në Drejtorinë e Tatimeve në Shkodër kanë zbarkuar inspektorët e anti-krimit ekonomik dhe forcat e FNSH-së të cilët kanë kryer arrestimet, ndërsa mësohet se 10 punonjës të tjerë të këtij institucioni janë shoqëruar dhe po merren në pyetje. Mësohet se mes të ndaluarve është Uarda Albunesa kryeinspektore dhe Gjon Prroni, Rrok Lorja, Ergjan Meta dhe Genti Bilali.
Zyratrët e arrestuar ishin nën hetim prej muajsh. Të arrestuarit akuzohen se nuk kanë inspektuar shumë subjekte tregtare në plazhin e Velipojës duke i favorizuar në mënyrë të paligjshme. Policia dhe prokuroria vijon punën për zbardhjen e polotë të kësaj skeme korrupsioni./tesheshi.com/
