Andrea Rinaldi, një futbollist 19-vjeçar italian i AtalantaS që ishte huazuar te Legnano, vdiq në një spital në Varese.
Ai u sëmur të premten, pas së cilës u transferua në një spital, ku u diagnostikua me një aneurizëm cerebral. Rinaldi ishte në gjendje kome përpara se zemra e tij të pushonte së rrahuri të hënën në mëngjes.
“Andrea ishte një djalë që të gjithë e donin”, tha Giovanni Cusatis, trajneri i Legnanos, duke shtuar: “Ne u dëgjuam me njëri-tjetri disa ditë më parë, sepse unë komunikoja me të gjithë lojtarët e mi gjatë kohës së izolimit. Ai më tha: ‘Zotëri, isha në oborr për t’u stërvitur”. Dukej i buzëqeshur, nuk kishte probleme “.
Lajmi për vdekjen u konfirmua gjithashtu nga klubi në faqen zyrtare.
“AC Legnano po kalon një nga ditët më të vështira sot. Andrea Rinaldi, lojtari ynë, na ka lënë. Aneurizmi e rrëzoi atë nga jeta para se të mbush 20 vjeç.” /tesheshi.com/
